Pakistani ka shkelur armëpushimin me Indinë, pasi një person është vrarë dhe tre të tjerë janë plagosur, me ushtrinë indiane që iu ka përgjigj “fuqishëm dhe me efikasitet”.

Shkallëzimi i fundit në dhunë u bë përgjatë vijës së kontrollit në sektorin Khari Karmara të rrethit Poonch në Jammu & Kashmir, transmeton portali arbresh.info.

Gazetari nga Kashmiri Aditya Raj Kaul ka postuar në Twitter: “Një Porter i Ushtrisë është vrarë dhe tre të plagosur ndërsa Ushtria Pakistaneze shkel armëpushimin përgjatë vijës së kontrollit në sektorin Khari Karmara të rrethit Poonch në Jammu & Kashmir. Ushtria Indiane përgjigjet fuqishëm dhe në mënyrë efektive”.

Kjo është përshkallëzimi më i fundit në tensionet midis dy vendeve aziatike armike dhe hera e dytë që Pakistani ka shkelur një armëpushim në dy javët e fundit.

Ushtria Indiane u përgjigj menjëherë në 27 Dhjetor pasi Pakistani ndërpreu armëpushimin në sektorin Shahpur të rrethit Poonch dhe Naushera në rrethin Rajouri përgjatë Linjës së Kontrollit (LoC).

Ushtria e Pakistanit gjuajti në postet indiane përgjatë LoC, duke shkaktuar një hakmarrje të fortë nga ushtria indiane./arbresh.info/